వరంగల్, మార్చి 21 (2026):

వరంగల్ తూర్పు నియోజకవర్గంలో ఘనంగా నిర్వహించిన రంజాన్ వేడుకల్లో రాష్ట్ర అటవీ, పర్యావరణ, దేవాదాయ ధర్మాదాయ శాఖ మంత్రి కొండా సురేఖ పాల్గొన్నారు.

మట్టేవాడ, ఎల్బీ నగర్, ఖిలా వరంగల్ ప్రాంతాల్లోని ఈద్గాల్లో ముస్లిం సోదరులతో కలిసి ప్రత్యేక ప్రార్థనలు నిర్వహించారు. ఈ సందర్భంగా ఆమె ముస్లిం సోదర, సోదరీమణులను ఉద్దేశించి మాట్లాడారు.

పవిత్ర రంజాన్ మాసంలో నెల రోజుల పాటు ఉపవాస దీక్షలు ఆచరించి ఆధ్యాత్మికతతో పండుగ జరుపుకుంటున్న ప్రతి ఒక్కరికీ మంత్రి హృదయపూర్వక శుభాకాంక్షలు తెలిపారు. ముఖ్యమంత్రి రేవంత్ రెడ్డి నాయకత్వంలోని కాంగ్రెస్ ప్రభుత్వం ముస్లింల సంక్షేమానికి పూర్తిగా కట్టుబడి ఉందని స్పష్టం చేశారు.

ఈద్గాల్లో ప్రార్థనల్లో పాల్గొనడం తనకు ఆనందాన్ని కలిగించిందని, రాష్ట్ర ప్రజలందరూ సుఖసంతోషాలతో వర్ధిల్లాలని అల్లాను ప్రార్థించినట్లు తెలిపారు.

అభివృద్ధి & సంక్షేమ కార్యక్రమాలు

ఈ సందర్భంగా మంత్రి పలు అభివృద్ధి పనులు, సంక్షేమ కార్యక్రమాలను ప్రకటించారు:

ఈద్గా అభివృద్ధికి నిధులు

మట్టేవాడ ఈద్గా – ₹1 కోటి

ఖిలా వరంగల్ ఈద్గా – ₹1 కోటి

ఎల్బీ నగర్ ఈద్గా – ₹60 లక్షలు

చింతల్ ఈద్గా – ₹40 లక్షలు

సంక్షేమ కార్యక్రమాలు

400 కుట్టు మిషన్‌ల పంపిణీ

రంజాన్ తోఫా కింద 3,500 కిట్ల పంపిణీ

మంత్రి కొండా సురేఖ మాట్లాడుతూ, రంజాన్ వేడుకలు మత సామరస్యానికి ప్రతీకగా నిలుస్తాయని, సమాజంలో ఐక్యతను మరింత బలపరుస్తాయని పేర్కొన్నారు.