కాకతీయ విశ్వవిద్యాలయం (KU) నిరుద్యోగ యువతకు మరియు విద్యార్థులకు తీపి కబురు అందించింది. కేయూ ప్లేస్మెంట్ సెల్ ఆధ్వర్యంలో మంగళవారం (మే 12) కేయూ క్యాంపస్లో భారీ జాబ్ మేళా నిర్వహించనున్నారు. దీనికి సంబంధించిన వాల్ పోస్టర్లు, కరపత్రాలను సోమవారం యూనివర్సిటీ ప్రతినిధులు ఆచార్య నరసింహ, డీన్ ఇస్తారి, వైస్ ప్రిన్సిపాల్ మమత గారు ఘనంగా ఆవిష్కరించారు.
సుమారు 15కు పైగా జాతీయ, అంతర్జాతీయ ప్రముఖ కంపెనీలు ఈ మేళాలో పాల్గొని అభ్యర్థులను ఎంపిక చేయనున్నాయి. డిగ్రీ (BA, B.Com, B.Sc), బీటెక్ (B.Tech) పూర్తి చేసిన వారు మరియు ప్రస్తుతం చివరి సంవత్సరం చదువుతున్న విద్యార్థులు కూడా అర్హులే.
అభ్యర్థులు తమ వెంట అప్డేటెడ్ బయోడేటా (Resume), విద్యా అర్హతల జిరాక్స్ కాపీలు, మరియు పాస్పోర్ట్ సైజు ఫోటోలతో హాజరుకావాలి.
ఈ సందర్భంగా ఆచార్య నరసింహ గారు మాట్లాడుతూ, గ్రామీణ మరియు పట్టణ ప్రాంత విద్యార్థులకు కార్పొరేట్ రంగంలో ఉద్యోగ అవకాశాలు కల్పించడమే ఈ మేళా ప్రధాన ఉద్దేశమని తెలిపారు. డీన్ ఇస్తారి గారు మాట్లాడుతూ, విద్యార్థులు ఈ సువర్ణావకాశాన్ని వినియోగించుకుని ఉజ్వల భవిష్యత్తును నిర్మించుకోవాలని కోరారు.