ఎంజీఎం కాంట్రాక్ట్ కార్మికుల సమస్యలపై మంత్రి కొండా సురేఖకు వినతి..!
వరంగల్ లోని ఎంజీఎం ఆసుపత్రిలో విధులు నిర్వహిస్తున్న శానిటేషన్, సెక్యూరిటీ, పేషంట్ కేర్ సేవలతో పాటు ఇతర కాంట్రాక్ట్ కార్మికులు తమ ఉద్యోగాలకు సంబంధించిన పలు సమస్యలను పరిష్కరించాలని కోరుతూ రాష్ట్ర దేవాదాయ ధర్మాదాయ శాఖ మంత్రి కొండా సురేఖను మర్యాదపూర్వకంగా కలిశారు. ఈ సందర్భంగా కార్మికులు తమకు అందుతున్న వేతనాలు ప్రస్తుత జీవన వ్యయాలకు అనుగుణంగా లేవని వెంటనే జీతాలను పెంచాలని కోరారు .
అలాగే ఎన్నో సంవత్సరాలుగా సేవలందిస్తున్నప్పటికీ ఉద్యోగ భద్రత లేకపోవడం వల్ల తీవ్ర ఆందోళనకు గురవుతున్నామని తెలిపారు. తమ కుటుంబాల భవిష్యత్తును దృష్టిలో ఉంచుకొని ఉద్యోగ భద్రత కల్పించే చర్యలు తీసుకోవాలని విజ్ఞప్తి చేశారు.
కార్మికుల సమస్యలను మంత్రి కొండా సురేఖకు వివరించి సంబంధిత అధికారులతో చర్చించి తగిన చర్యలు చేపట్టేలా చూడాలని వినతిపత్రం సమర్పించారు. కార్మికుల సమస్యలను సానుకూలంగా పరిశీలించి న్యాయం చేయాలని వారు కోరారు. ఎంజీఎం ఆసుపత్రిలో కీలక సేవలు అందిస్తున్న కాంట్రాక్ట్ కార్మికుల సంక్షేమం కోసం ప్రభుత్వం ప్రత్యేక దృష్టి సారించాలని ఈ సందర్భంగా కార్మికుల విజ్ఞప్తి చేశారు.
Read Warangal News and Latest Politics News and Real Estate