వరంగల్ | తేది: 02-04-2026

ప్రజా పాలన–ప్రగతి ప్రణాళిక 99 రోజుల కార్యాచరణలో భాగంగా రాష్ట్రవ్యాప్తంగా జరుగుతున్న వార్డ్ సభల నేపథ్యంలో నాయిని రాజేందర్ రెడ్డి వరంగల్ పశ్చిమ నియోజకవర్గంలోని 29వ డివిజన్ వార్డ్ సభకు హాజరయ్యారు. ఈ కార్యక్రమంలో నగర మేయర్ గుండు సుధారాణి, జిల్లా కలెక్టర్ చాహత్ బాజ్ పాయ్ పాల్గొన్నారు.

రాష్ట్ర గీతంతో ప్రారంభమైన ఈ సభలో, స్థానిక ప్రజలతో నేరుగా మాట్లాడిన ఎమ్మెల్యే, సంక్షేమ పథకాల అమలుపై వారి అభిప్రాయాలను తెలుసుకున్నారు. GWMC పరిధిలో 99 రోజుల ప్రణాళిక ద్వారా వచ్చిన అభివృద్ధిని వివరించారు.

ఈ సందర్భంగా ఆయన మాట్లాడుతూ, రాష్ట్రం తీవ్ర ఆర్థిక సంక్షోభంలో ఉన్నప్పటికీ ప్రభుత్వం సంక్షేమ పథకాలను ఆపకుండా అమలు చేస్తోందన్నారు. గత పాలకుల అప్పులను సమర్థవంతంగా నిర్వహిస్తూ ప్రజలకు ఇచ్చిన హామీలను నెరవేర్చుతున్నామని తెలిపారు.

పేదల సంక్షేమమే లక్ష్యంగా ప్రభుత్వం పనిచేస్తోందని, రేవంత్ రెడ్డి నాయకత్వంలో అన్ని వర్గాల ప్రజలకు సమాన న్యాయం జరుగుతోందని అన్నారు. మహాలక్ష్మీ పథకం ద్వారా మహిళలకు ఉచిత బస్సు ప్రయాణం, 200 యూనిట్ల ఉచిత విద్యుత్, ఇందిరమ్మ ఇళ్ల నిర్మాణం వంటి పథకాలు విజయవంతంగా కొనసాగుతున్నాయని వివరించారు.

అలాగే, విద్యార్థులకు నాణ్యమైన ఆహారం అందించేందుకు సన్నబియ్యం పంపిణీ కార్యక్రమం ప్రత్యేకంగా అమలు చేస్తున్నామని చెప్పారు. 99 రోజుల ప్రణాళిక ద్వారా నగరంలో మౌలిక వసతులు గణనీయంగా మెరుగుపడ్డాయని తెలిపారు.

👉 కార్యక్రమం అనంతరం స్థానికంగా నిర్మాణంలో ఉన్న ప్రభుత్వ పాఠశాలను పరిశీలించి, పనుల పురోగతిపై అధికారులకు సూచనలు చేశారు