మోదీ పాలనకు 12 ఏళ్లు.. వరంగల్లో బీజేపీ మీడియా మీట్:
వరంగల్ తూర్పు నియోజకవర్గంలోని హంటర్ రోడ్లో ఉన్న శ్రీ కన్వెన్షన్లో భారతీయ జనతా పార్టీ (బీజేపీ) ఆధ్వర్యంలో సోమవారం మీడియా సమావేశం నిర్వహించారు. దేశ ప్రధానమంత్రి నరేంద్ర మోదీ పదవీకాలంలో 12 సంవత్సరాలు పూర్తి చేసుకున్న సందర్భంగా ఈ సమావేశాన్ని ఏర్పాటు చేశారు.
ఈ కార్యక్రమానికి ముఖ్య అతిథిగా ఉప్పల్ మాజీ ఎమ్మెల్యే ఎన్వీఎస్ ప్రభాకర్ హాజరయ్యారు. అలాగే బీజేపీ జిల్లా అధ్యక్షుడు గంటా రవి, పార్టీ నాయకులు, కార్యకర్తలు, ప్రజాప్రతినిధులు పెద్ద సంఖ్యలో పాల్గొన్నారు.
ఈ సందర్భంగా మాట్లాడిన ఎన్వీఎస్ ప్రభాకర్, ప్రధానమంత్రి నరేంద్ర మోదీ నాయకత్వంలో దేశం అన్ని రంగాల్లో అభివృద్ధి దిశగా ముందుకు సాగుతోందని పేర్కొన్నారు. గత 12 సంవత్సరాల్లో కేంద్ర ప్రభుత్వం అమలు చేసిన సంక్షేమ, అభివృద్ధి కార్యక్రమాలు దేశ ప్రజల జీవితాల్లో గణనీయమైన మార్పులు తీసుకువచ్చాయని తెలిపారు. పేదల సంక్షేమం, మౌలిక సదుపాయాల అభివృద్ధి, డిజిటల్ సేవల విస్తరణ, మహిళా సాధికారత వంటి అంశాల్లో కేంద్ర ప్రభుత్వం విశేష కృషి చేసిందని అన్నారు.
జిల్లా అధ్యక్షుడు గంటా రవి మాట్లాడుతూ, మోదీ నాయకత్వంలో భారత్ ప్రపంచ వేదికపై మరింత బలమైన దేశంగా ఎదిగిందని పేర్కొన్నారు. కేంద్ర ప్రభుత్వం చేపట్టిన పథకాలు గ్రామీణ ప్రాంతాల నుంచి పట్టణాల వరకు ప్రతి వర్గానికి చేరువయ్యాయని అన్నారు.
సమావేశంలో బీజేపీ నాయకులు కేంద్ర ప్రభుత్వ విజయాలను వివరించడంతో పాటు పార్టీ భావజాలాన్ని ప్రజల్లోకి తీసుకెళ్లేందుకు కృషి చేయాలని కార్యకర్తలకు పిలుపునిచ్చారు. అనంతరం పార్టీ నాయకులు, కార్యకర్తలు ప్రధాని మోదీ 12 సంవత్సరాల పాలన సందర్భంగా శుభాకాంక్షలు తెలియజేస్తూ కార్యక్రమాన్ని విజయవంతం చేశారు.
Read Warangal News and Latest Politics News and Real Estate