లంచం తీసుకుంటూ ఏసీబీ అధికారులకు చిక్కిన MRO సుచరిత:
శామీర్పేట్ తహసీల్దార్ కార్యాలయంలో అవినీతి వ్యవహారం వెలుగులోకి వచ్చింది. ఎమ్మార్వో సుచరితను అవినీతి నిరోధక శాఖ (ఏసీబీ) అధికారులు రెడ్ హ్యాండెడ్ గా పట్టుకున్నారు. ఆలియాబాద్ పరిధిలోని సుమారు 30 ఎకరాల భూమి కన్వర్షన్ (Convertion) కోసం ఎకరాకు రూ. లక్ష చొప్పున మొత్తం రూ. 30 లక్షలు డిమాండ్ చేశారు. ఈ వ్యవహారంలో భాగంగా అడ్వాన్స్ గా రెండు లక్షలు ఎమ్మార్వో కార్ డ్రైవర్ తీసుకున్నట్లు ఏసీబీ అధికారులు గుర్తించారు.
ఆ నగదును డ్రైవర్ నుంచి సుచరితకు అందజేస్తున్న సమయంలో ఏసీబీ బృందం అకస్మికంగా దాడులు నిర్వహించింది. డబ్బు గురించి ప్రశ్నించగా ఎమ్మార్వో సుచరిత ఆమె డ్రైవర్ స్పష్టమైన సమాధానాలు ఇవ్వకుండా తప్పించుకునే ప్రయత్నం చేశారు. శామీర్పేట్ ఎమ్మార్వో కార్యాలయం అవినీతికి కేంద్రంగా మారింది అన్న ఆరోపణలు స్థానికంగా వినిపిస్తున్నాయి. మధ్యాహ్నం నుంచి ఏసీబీ అధికారులు కార్యాలయంలో సోదాలు కొనసాగిస్తున్నారు. రంగారెడ్డి ఏసీబీ డీఎస్పీ ఆనంద్ కుమార్ ఆధ్వర్యంలో ఈ దాడులు జరిగాయి. ఈ కేసుకు సంబంధించిన పూర్తి వివరాలు త్వరలోనే వెల్లడిస్తామని ACB అధికారులు పేర్కొన్నారు
Read Warangal News and Latest Politics News and Real Estate