ములుగు: జిల్లాలోని కర్రెగుట్ట అటవీ ప్రాంతంలో ఐఈడీ (Improvised Explosive Device) బాంబు పేలడంతో ఒక సీఆర్పీఎఫ్ జవాన్కు గాయాలయ్యాయి.
రోడ్డు నిర్మాణ పనులు కొనసాగుతున్న సమయంలో ఈ ఘటన చోటుచేసుకుంది. పేలుడు ప్రభావంతో సీఆర్పీఎఫ్ జవాన్ నవదీప్ పాటిల్ గాయపడినట్లు సమాచారం.
గాయపడిన జవాన్ను వెంటనే సహచర సిబ్బంది సురక్షిత ప్రాంతానికి తరలించి, అనంతరం హెలికాప్టర్ ద్వారా ఆస్పత్రికి తరలించారు. ప్రస్తుతం ఆయనకు వైద్య చికిత్స అందిస్తున్నట్లు అధికారులు తెలిపారు.
ఈ ఘటనతో కర్రెగుట్ట ప్రాంతంలో భద్రతా బలగాలు అప్రమత్తమయ్యాయి. పరిసర ప్రాంతాల్లో సోదాలు ముమ్మరం చేసినట్లు సమాచారం. ఘటన స్థలాన్ని భద్రతా సిబ్బంది పూర్తిగా తనిఖీ చేస్తున్నారు.
ఇటీవలి కాలంలో అటవీ ప్రాంతాల్లో రహదారి నిర్మాణ పనులు కొనసాగుతున్న నేపథ్యంలో భద్రతా చర్యలను మరింత కట్టుదిట్టం చేసినట్లు అధికారులు పేర్కొన్నారు.