నర్సంపేట : పట్టణంలో ప్రముఖ వైద్యుడిగా పేరుగాంచిన డాక్టర్ శశిధర్ రెడ్డి (35) ఆదివారం అనుమానాస్పద స్థితిలో ప్రాణాలు కోల్పోయారు. ఈ వార్త తెలియడంతో స్థానిక వైద్య వర్గాలు, పట్టణ ప్రజలు దిగ్భ్రాంతికి లోనయ్యారు.

 డాక్టర్ శశిధర్ రెడ్డి నరసంపేట పట్టణంలో ఒక మల్టీ స్పెషాలిటీ ఆసుపత్రిని నిర్వహిస్తూ, వైద్య సేవలు అందిస్తున్నారు. ఆయన అకస్మాత్తుగా మరణించడానికి గల కారణాలపై ఇంకా స్పష్టత రాలేదు. అయితే, ప్రాథమిక సమాచారం ప్రకారం అది గుండెపోటు కావచ్చని తోటి వైద్యులు అభిప్రాయపడుతున్నారు.

ఎంతో భవిష్యత్తు ఉన్న యువ వైద్యుడు ఇలా అకాల మరణం చెందడంతో ఆయన కుటుంబ సభ్యులు, ఆసుపత్రి సిబ్బంది కన్నీరుమున్నీరవుతున్నారు.

ప్రస్తుతం ఈ మృతికి సంబంధించి మరిన్ని పూర్తి వివరాలు తెలియాల్సి ఉంది.