తేదీ :04/02/2026- బుధవారం, JNS స్టేడియం, హనుమకొండ.
హనుమకొండలోని JNS స్టేడియం ఆవరణలో ఏర్పాటు చేసిన నియోజకవర్గ స్థాయి సీఎం కప్ కార్యక్రమాన్ని వరంగల్ పశ్చిమ నియోజకవర్గ శాసన సభ్యులు శ్రీ నాయిని రాజేందర్ రెడ్డి గారు ముఖ్య అతిథిగా హాజరై ఘనంగా ప్రారంభించారు.
ఈ సందర్భంగా ఎమ్మెల్యే నాయిని రాజేందర్ రెడ్డి గారు మాట్లాడుతూ, రాష్ట్ర ముఖ్యమంత్రి శ్రీ రేవంత్ రెడ్డి గారు విద్య, వైద్యం, వ్యవసాయం తరువాత అత్యధిక ప్రాధాన్యత క్రీడలకే కేటాయిస్తున్నారని తెలిపారు. రాష్ట్రంలో ఎక్కడ క్రీడా కార్యక్రమాలు నిర్వహించినా క్రీడా శాఖ మంత్రి, సార్క్ చైర్మన్లను పంపిస్తూ క్రీడాకులను మరింత ఉత్సాహపరుస్తున్నారని పేర్కొన్నారు.
స్వయంగా ముఖ్యమంత్రి గారే ఒక క్రీడాకారుడు కావడం వలన క్రీడలను బలోపేతం చేయడంలో ప్రత్యేక శ్రద్ధ చూపుతున్నారని అన్నారు. క్రీడలు కేవలం వినోదం లేదా వ్యాయామానికి మాత్రమే పరిమితం కాకుండా ఉపాధి, ఉద్యోగ అవకాశాలకు దారి తీస్తాయని ఎమ్మెల్యే తెలిపారు.
వరంగల్ జిల్లాకు చెందిన చెస్ క్రీడాకారుడు ప్రతిభ చాటిన సందర్భంగా స్వయంగా ముఖ్యమంత్రి గారే ప్రోత్సాహకం అందించారన్న ఉదాహరణను ఈ సందర్భంగా ప్రస్తావించారు.
ఇది ప్రభుత్వం క్రీడాకులకు ఎంత ప్రాధాన్యత ఇస్తోందనడానికి నిదర్శనమని అన్నారు. సీఎం కప్ కార్యక్రమాన్ని ఐదు అంచెలుగా నిర్వహిస్తూ గ్రామీణ క్రీడాకులను బలోపేతం చేయడమే ప్రభుత్వ ప్రధాన లక్ష్యమని ఎమ్మెల్యే తెలిపారు.
గ్రామ స్థాయి నుంచి మండల, నియోజకవర్గ, జిల్లా, రాష్ట్ర స్థాయిల వరకు క్రీడాకులు తమ ప్రతిభను ప్రదర్శించేలా ఈ కార్యక్రమాన్ని రూపకల్పన చేశారని చెప్పారు.
ఈ వేదిక ద్వారా రాష్ట్ర, జాతీయ, అంతర్జాతీయ స్థాయిల్లో గుర్తింపు పొందే క్రీడాకులను తయారు చేయాలనే ఉద్దేశంతో ప్రభుత్వం సీఎం కప్ను నిర్వహిస్తోందన్నారు.
గతంలో ఎన్నడూ లేని విధంగా క్రీడా శాఖను బలోపేతం చేస్తూ ప్రభుత్వం ప్రత్యేక కార్యక్రమాలను అమలు చేస్తోందని ఎమ్మెల్యే తెలిపారు.
క్రీడలకు అవసరమైన మౌలిక సదుపాయాలు, శిక్షణ, ప్రోత్సాహకాలు కల్పిస్తూ యువతను క్రీడల వైపు ఆకర్షిస్తున్నట్లు చెప్పారు.
సీఎం కప్ ద్వారా గ్రామీణ ప్రాంతాల్లో దాగి ఉన్న క్రీడా ప్రతిభ వెలుగులోకి వస్తుందని పేర్కొన్నారు.
ఈ కార్యక్రమంలో జిల్లా గ్రంథాలయ సంస్థ చైర్మన్ అజీజ్ ఖాన్, జిల్లా యూత్ అండ్ స్పోర్ట్స్ అధికారి అశోక్, స్పెషల్ ఆఫీసర్ నంద కిషోర్ గౌడ్, అసోసియేషన్ మెంబర్లు సృజన్, కార్తీక్, రాజు, ఇతర అధికారులు, కోచ్లు, క్రీడాకారులు తదితరులు పాల్గొన్నారు.