పాలకుర్తిలో ఉచిత జాబ్ మేళా :

పాలకుర్తి నియోజకవర్గం లోని నిరుద్యోగ యువతకు ఉపాధి అవకాశాలను కల్పించే లక్ష్యంతో హనుమండ్ల ఝాన్సీ రాజేందర్ రెడ్డి ఫ్యామిలీ చారిటబుల్ ట్రస్ట్ ఆధ్వర్యంలో ఉచిత జాబ్ మేళా నిర్వహించనున్నారు. ఈ జాబ్ మేళా 2026 మే 29వ తేదీ శుక్రవారం రోజున శ్రీ సోమేశ్వర కళ్యాణ మండపంలో జరగనుంది.

ఈ జాబ్ మేళాలో పదవ తరగతి నుండి పోస్ట్ గ్రాడ్యుయేషన్ వరకు అర్హత కలిగిన అభ్యర్థులు పాల్గొనవచ్చని నిర్వాహకులు తెలిపారు. ఫ్రెషర్స్ తో పాటు అనుభవం ఉన్న అభ్యర్థులకు కూడా ప్రముఖ కంపెనీలలో ఉద్యోగ అవకాశాలు కల్పించనున్నట్లు పేర్కొన్నారు.

ఉద్యోగాల కోసం ఎదురుచూస్తున్న యువత ఈ అవకాశాన్ని సద్వినియోగం చేసుకోవాలని నిర్వాహకులు సూచించారు. పోస్టర్‌లో ఉన్న QR కోడ్‌ను స్కాన్ చేసి ముందుగా రిజిస్ట్రేషన్ చేసుకోవాలని తెలిపారు. యువత భవిష్యత్తుకు దోహదపడే ఈ జాబ్ మేళా ద్వారా అనేక మందికి ఉపాధి అవకాశాలు లభించే అవకాశం ఉందని నిర్వాహకులు ఆశాభావం వ్యక్తం చేశారు.