జనగామ | 25-01-2026

ఈ రోజు జనగామ ఎమ్మెల్యే డా. పల్లా రాజేశ్వర్ రెడ్డి గారి క్యాంపు కార్యాలయంలో జనగామ, జనగామ రూరల్, నర్మెట్ట, తరిగొప్పుల మరియు బచ్చన్నపేట మండలాలకు చెందిన 40 మంది లబ్ధిదారులకు రూ.15,32,500 విలువైన CMRF చెక్కుల పంపిణీ కార్యక్రమం నిర్వహించబడింది.

ఈ సందర్భంగా ఎమ్మెల్యే డా. పల్లా రాజేశ్వర్ రెడ్డి గారు మాట్లాడుతూ,
“జనగామను ఆరోగ్య జనగామగా తీర్చిదిద్దడమే నా లక్ష్యం” అని అన్నారు.

అదేవిధంగా ఆయన మాట్లాడుతూ—

గత రెండు సంవత్సరాలుగా నేను ఇచ్చిన మాట ప్రకారం నా స్వంత నిలం హాస్పిటల్‌లో నియోజకవర్గ ప్రజలందరికీ ఉచిత వైద్యం అందిస్తున్నాను. రాబోయే మూడు సంవత్సరాలు కూడా ఇదే విధంగా కొనసాగిస్తాను అని తెలిపారు.

మా హాస్పిటల్‌లో అందుబాటులో లేని ప్రత్యేక వైద్య సేవల కోసం నిమ్స్ (NIMS) లేదా ఇతర నిపుణ వైద్యులతో సమన్వయం చేసి మెరుగైన చికిత్స అందేలా చర్యలు తీసుకుంటున్నాం అని చెప్పారు.

అత్యవసర పరిస్థితుల్లో అవసరమున్న వారికి LOC కూడా జారీ చేస్తున్నాం అని పేర్కొన్నారు.

ఇప్పటికే డబ్బులు ఖర్చు చేసి చికిత్స చేయించుకున్న పేదలందరికీ CMRF చెక్కులు త్వరితగతిన అందేలా ప్రత్యేకంగా చర్యలు తీసుకుంటున్నాం అని ఎమ్మెల్యే స్పష్టం చేశారు.

ఈ కార్యక్రమంలో స్థానిక నాయకులు, పార్టీ కార్యకర్తలు, లబ్ధిదారులు పాల్గొన్నారు.