పర్వతగిరి మండలంలో ఆర్టీసీ బస్సు డ్రైవర్‌పై కొందరు యువకులు దాడి చేసిన ఘటన ఆదివారం చోటుచేసుకుంది. స్థానికుల వివరాల ప్రకారం, తొర్రూరు డిపోకు చెందిన బస్సు పెద్ద తండా వద్ద నిలపకపోవడంతో ఆగ్రహించిన యువకులు ద్విచక్ర వాహనాలపై బస్సును వెంబడించారు. అనంతరం అన్నారం గ్రామం వద్ద బస్సును అడ్డగించి డ్రైవర్‌తో వాగ్వాదానికి దిగారు. ఈ క్రమంలో పరిస్థితి ఉద్రిక్తంగా మారడంతో డ్రైవర్‌పై దాడి చేసి గాయపరిచినట్లు సమాచారం. ఘటన అనంతరం డ్రైవర్ బస్సును అక్కడే నిలిపివేసి పోలీసులకు సమాచారం అందించాడు. కేసు నమోదు చేసి దర్యాప్తు చేపట్టినట్లు తెలిసింది.