జనసేన అధినేత, ఆంధ్రప్రదేశ్ డిప్యూటీ సీఎం పవన్ కళ్యాణ్పై తెలంగాణ రవాణా, బీసీ సంక్షేమ శాఖ మంత్రి పొన్నం ప్రభాకర్ తీవ్రస్థాయిలో విరుచుకుపడ్డారు. పవన్ కళ్యాణ్ హైదరాబాద్లో ‘నవనిర్మాణ సభ’ నిర్వహించ తలపెట్టడంపై ఆయన తీవ్ర అభ్యంతరం వ్యక్తం చేశారు.
తెలంగాణ ప్రజలకు పవన్ కళ్యాణ్ ముందుగా క్షమాపణలు చెప్పిన తర్వాతే ఇక్కడ సభ పెట్టుకోవాలని మంత్రి పొన్నం ప్రభాకర్ డిమాండ్ చేశారు.
మంత్రి పొన్నం ప్రభాకర్ వ్యాఖ్యల వివరాలు:
”తెలంగాణ రాష్ట్రం ఏర్పడినప్పుడు 11 రోజుల పాటు అన్నం తినకుండా మానేశానని గతంలో పవన్ కళ్యాణ్ చెప్పారు. అలాంటి భావజాలం ఉన్న వ్యక్తి, ఇప్పుడు తెలంగాణ గడ్డపైకి వచ్చి ఇక్కడ సభలు పెట్టడం ఎంతవరకు సమంజసం?” అని ఆయన ఆక్షేపించారు.
పవన్ కళ్యాణ్ రాజకీయాలపై మండిపడుతూ.. “డబ్బులు ఇస్తే ఏ రకమైన నటన చేయమన్నా చేస్తారు. తెలంగాణను తీసుకువెళ్లి బీజేపీకి తాకట్టు పెట్టడమే పవన్ కళ్యాణ్ చెప్పే నవ నిర్మాణమా?” అంటూ ఘాటుగా ప్రశ్నించారు.
హైదరాబాద్లో జనసేన సభ నిర్వహణకు సిద్ధమవుతున్న తరుణంలో మంత్రి పొన్నం ప్రభాకర్ చేసిన ఈ వ్యాఖ్యలు ఇప్పుడు రెండు రాష్ట్రాల రాజకీయ వర్గాల్లో తీవ్ర చర్చనీయాంశంగా మారాయి.
Read Warangal News and Latest Politics News and Real Estate