వరంగల్ ఎనుమాముల మార్కెట్‌కు కొత్త సారథి.. బాధ్యతలు చేపట్టిన ప్రియాంక:

వరంగల్‌లోని ప్రముఖ వ్యవసాయ మార్కెట్ అయిన ఎనుమాముల మార్కెట్ కమిటీకి తెలంగాణ ప్రభుత్వం కొత్త పాలకవర్గాన్ని నియమించింది. చైర్‌పర్సన్‌గా ప్రియాంక, వైస్ చైర్మన్‌గా జనార్ధన్ బాధ్యతలు చేపట్టారు. ఈ నియామకం ద్వారా రైతులకు మెరుగైన సేవలు, మార్కెట్ అభివృద్ధి, పారదర్శక పరిపాలన లక్ష్యంగా ప్రభుత్వం ముందుకు సాగుతోంది.

ఎనుమాముల వ్యవసాయ మార్కెట్ నూతన ఉన్నతశ్రేణి కార్యదర్శి శ్రీనివాస్ నియామితులైయ్యారు. రైతులు, వ్యాపారులు మరియు మార్కెట్ కి సంబంధించిన వర్గాల అభివృద్ధిని దృష్టిలో ఉంచుకొని ఈ నియామకాలు చేపట్టినట్లు అధికారులు తెలిపారు. ఈ సందర్భంగా రాష్ట్ర వ్యవసాయ శాఖ మంత్రి తుమ్మల నాగేశ్వరరావు మాట్లాడుతూ..”రాష్ట్రవ్యాప్తంగా మార్కెట్ కమిటీలను మరింత సమర్థవంతంగా నిర్వహించే లక్ష్యంతో పాలకవర్గాల నియామక ప్రక్రియ కొనసాగుతున్నదని పేర్కొన్నారు”.

ఇప్పటివరకు తెలంగాణలో మొత్తం 191 వ్యవసాయం మార్కెట్ కమిటీలకు పాలకవర్గాలను నియమించినట్లు ఆయన వెల్లడించారు. కొత్తగా నియమితులైన చైర్ పర్సన్ ప్రియాంక, వైస్ చైర్ పర్సన్ జనార్ధన్ కు స్థానిక ప్రజాప్రతినిధులు, రైతు సంఘాల నాయకులు, వ్యాపార వర్గాల ప్రతినిధులు అభినందనలు తెలిపారు. వారి నాయకత్వంలో ఎనుమాముల మార్కెట్ మరింత అభివృద్ధి చెందడంతో పాటు రైతులకు మెరుగైన సేవలు అందుతాయని ఆశాభావం వ్యక్తం చేశారు.

రాష్ట్రంలో ప్రముఖ వ్యవసాయ మార్కెట్లో ఒక్కటైన ఎనుమాముల మార్కెట్ కు కొత్త పాలకవర్గం నియామకం కావడం వల్ల మార్కెట్ నిర్వహణ, రైతులకు అందే సౌకర్యాలు, వ్యాపార కార్యకలాపాల విస్తరణకు మరింత ఊతం లభించే అవకాశం ఉందని విశ్లేషకులు అభిప్రాయపడుతున్నారు.

FAQ’s

ఎనుమాముల మార్కెట్ చైర్‌పర్సన్ ఎవరు?

ప్రియాంకను తెలంగాణ ప్రభుత్వం చైర్‌పర్సన్‌గా నియమించింది.

వైస్ చైర్మన్ ఎవరు?

జనార్ధన్ వైస్ చైర్మన్‌గా బాధ్యతలు చేపట్టారు.

ఎనుమాముల మార్కెట్ ఎక్కడ ఉంది?

హనుమకొండ సమీపంలోని వరంగల్‌లో ఉంది.

ఎనుమాముల మార్కెట్ ఎందుకు ప్రసిద్ధి?

తెలంగాణలో అతిపెద్ద వ్యవసాయ మార్కెట్లలో ఇది ఒకటి.

Read Warangal news and latest politics news and Real estate