సికార్/జైపూర్: దేశవ్యాప్తంగా వైద్యవిద్య కోర్సుల్లో ప్రవేశాల కోసం నిర్వహించిన ‘నీట్-యూజీ 2026’ ప్రవేశపరీక్ష వివాదంలో చిక్కుకుంది. రాజస్థాన్‌లోని సికార్ జిల్లాలో ప్రశ్నపత్రం లీక్ అయినట్లు వస్తున్న వార్తలు ఇప్పుడు దేశవ్యాప్తంగా సంచలనం సృష్టిస్తున్నాయి.

పరీక్షకు ముందే కొంతమందికి పంపిణీ చేసిన మెటీరియల్‌లోని ప్రశ్నలు, అసలు పరీక్షా పత్రంలోని ప్రశ్నలతో సరిపోలినట్లు అధికారులు ప్రాథమికంగా గుర్తించారు. దాదాపు 600 మార్కులకు సరిపడా ప్రశ్నలు ముందే బయటకు వచ్చినట్లు తెలుస్తోంది.

 ఈ లీకైన మెటీరియల్‌ను ఒక్కో అభ్యర్థికి రూ. 20 వేల నుంచి రూ. 2 లక్షల వరకు విక్రయించినట్లు ఆరోపణలు వస్తున్నాయి. కేరళకు చెందిన ఒక MBBS విద్యార్థి ద్వారా ఈ సమాచారం బయటకు పొక్కినట్లు సమాచారం.

 ఈ భారీ నెట్‌వర్క్ వెనుక ఎవరూ ఉన్నారనే కోణంలో పోలీసులు మరియు విచారణాధికారులు లోతైన దర్యాప్తు చేపట్టారు.

ఈ లీక్ వ్యవహారంపై స్పష్టత రావాల్సి ఉండటంతో, దేశవ్యాప్తంగా ఉన్న లక్షలాది మంది విద్యార్థులు మరియు వారి తల్లిదండ్రులు తీవ్ర ఆందోళన వ్యక్తం చేస్తున్నారు.