వరంగల్: ఆర్థిక సంవత్సరం ముగింపు దగ్గరపడుతున్న వేళ రిజిస్ట్రేషన్ కార్యాలయాల్లో భారీ రద్దీ నెలకొనడంతో ప్రభుత్వం కీలక నిర్ణయం తీసుకుంది. డాక్యుమెంట్ రిజిస్ట్రేషన్లు సజావుగా సాగేందుకు పని వేళలను తాత్కాలికంగా పొడిగించింది.
మార్చి 28, 30, 31 తేదీల్లో రాష్ట్రవ్యాప్తంగా ఉన్న సబ్-రిజిస్ట్రార్ కార్యాలయాలు ఉదయం 9:30 గంటల నుంచి రాత్రి 8:30 గంటల వరకు పనిచేయనున్నాయి.
ఈ నిర్ణయం వల్ల ప్రజలకు వేగంగా సేవలు అందేలా ప్రభుత్వం చర్యలు తీసుకుంది. రిజిస్ట్రేషన్ అండ్ స్టాంప్స్ కమిషనర్ ఈ మేరకు అధికారులకు ఆదేశాలు జారీ చేయగా, సిబ్బందికి ప్రత్యేక సూచనలు కూడా ఇచ్చారు.