‘99 రోజుల ప్రజాపాలన–ప్రగతి ప్రణాళిక’లో భాగంగా వరంగల్ జిల్లా కలెక్టర్ సత్య శారద గారు పరకాల ఎమ్మెల్యే గారితో కలిసి సంగెం మండలంలో పలు కార్యక్రమాలలో పాల్గొన్నారు.

ఈ సందర్భంగా రైతులకు వ్యవసాయ యంత్రాలను పంపిణీ చేసి, వ్యవసాయంలో ఆధునిక పద్ధతులు ఉపయోగించడం ద్వారా ఉత్పాదకత పెంచుకోవాలని సూచించారు. అనంతరం ఇందిరమ్మ ఇళ్ల గృహప్రవేశ కార్యక్రమాల్లో పాల్గొని లబ్ధిదారులకు శుభాకాంక్షలు తెలిపారు.

తరువాత నిర్వహించిన ఇఫ్తార్ విందులో పాల్గొని ముస్లిం సోదరులతో కలసి సౌహార్ద వాతావరణంలో సమయం గడిపారు. ఈ కార్యక్రమంలో స్థానిక ప్రజాప్రతినిధులు, అధికారులు, రైతులు మరియు ప్రజలు పాల్గొన్నారు.