ఇది SBI ఖాతాదారులకు బిగ్ అలెర్ట్ అని చెప్పాలి. SBI ఖాతాదారులు ముందస్తుగా తమ బ్యాంకింగ్ పనులు పూర్తి చేసుకోవాలి అని అధికారులు సూచిస్తున్నారు.
ఈనెల 23న నాలుగవ శనివారం.. అదేవిధంగా 24న ఆదివారం కావడంతో బ్యాంకులకు సాధారణంగానే సెలవులు ఉండనున్నాయి. అనంతరం 25 ,26 వ తేదీలలో ఉద్యోగుల పలు డిమాండ్ల కారణంగా దేశవ్యాప్తంగా బ్యాంకు ఉద్యోగ సంఘాల సమ్మెకు పిలుపునిచ్చాయి.
దీంతో ఈ రెండు రోజులు కూడా బ్యాంకింగ్ సేవలు ఆగిపోయే అవకాశం ఉంది. అదేవిధంగా 27 లేదా 28 తేదీలలో బక్రీద్ సందర్భంగా సెలవు ఉండే అవకాశం ఉండడంతో వరుసగా పలు దినాలు బ్యాంక్ కార్యకలాపాలకు అంతరాయం ఏర్పడచు అని సమాచారం.
అయితే ఇంటర్నెట్ బ్యాంకింగ్, యూపీఐ, మొబైల్ బ్యాంకింగ్ వంటి ఆన్లైన్ సేవలు సాధారణంగానే కొనసాగనున్నాయి.
నగదు లావాదేవీలు.. చెక్కుల క్లీయరెన్స్ వంటి అవసరాల కోసం ఖాతాదారులు ముందుగానే ప్రణాళికలు సిద్ధం చేసుకోవాలి అని అధికారులు సూచిస్తున్నారు.