హన్మకొండ: ప్రభుత్వం అందజేసే కుట్టు మిషన్ల పంపిణీలో మేర మహిళలకు ప్రాధాన్యతనిస్తూ, ఎక్కువ శాతం కేటాయించాలని రాష్ట్ర మేర టైలర్ వృత్తి సంక్షేమ సంఘం నాయకులు కోరారు. ఈ మేరకు హన్మకొండలో మంత్రి పొన్నం ప్రభాకర్ను కలిసి వారు వినతి పత్రం అందజేశారు.
ఈ సందర్భంగా వారు మాట్లాడుతూ.. రాష్ట్రంలో మేర మహిళలు కులవృత్తినే ప్రధాన జీవనాధారంగా చేసుకుని జీవిస్తున్నారని తెలిపారు. వారి ఆర్థిక పురోభివృద్ధిని దృష్టిలో ఉంచుకుని, ప్రభుత్వం ప్రత్యేక చొరవ చూపి కుట్టు మిషన్లను కేటాయించాలని మంత్రికి విజ్ఞప్తి చేశారు.