స్టేషన్ ఘనపూర్ నియోజకవర్గం

తేదీ: 15-02-2026

స్టేషన్ ఘనపూర్ మున్సిపాలిటీ చైర్మన్, వైస్ చైర్మన్ ఎన్నికల నేపథ్యంలో కాంగ్రెస్ పార్టీ విప్‌గా 9వ వార్డు కౌన్సిలర్ సౌదరపల్లి సంపత్ రాజ్‌ను ప్రకటించారు. ఈ మేరకు ఎమ్మెల్యే కడియం శ్రీహరి అధికారికంగా నియామకాన్ని వెల్లడించారు.

హనుమకొండలోని ఎమ్మెల్యే నివాసంలో నిర్వహించిన కార్యక్రమంలో సంపత్ రాజ్‌కు విప్‌గా నియామక పత్రాన్ని అందజేశారు. మున్సిపల్ ఎన్నికల ప్రక్రియలో పార్టీ నిర్ణయాలకు అనుగుణంగా కౌన్సిలర్లు వ్యవహరించేలా మార్గనిర్దేశం చేయడం విప్ బాధ్యతగా ఉంటుంది.

ఈ కార్యక్రమంలో స్టేషన్ ఘనపూర్ మండల కాంగ్రెస్ పార్టీ అధ్యక్షుడు జులుకుంట్ల శిరీష్ రెడ్డి తదితర పార్టీ నాయకులు పాల్గొన్నారు.

మున్సిపాలిటీ చైర్మన్, వైస్ చైర్మన్ ఎన్నికలపై స్థానికంగా రాజకీయ ఆసక్తి నెలకొన్న నేపథ్యంలో ఈ నియామకం ప్రాధాన్యం సంతరించుకుంది.