వరంగల్, ఏప్రిల్ 08: వరంగల్ జిల్లా పర్వతగిరి మండలం కల్లెడ గ్రామంలో ఓ షాకింగ్ ఘటన చోటుచేసుకుంది. ఓ వ్యక్తిపై వీధి కుక్క దాడి చేసి అతని ఎడమ చేతి ఉంగరం వేలును పూర్తిగా కొరికేసింది.
గ్రామ శివారులో సంచరిస్తున్న పిచ్చికుక్క అకస్మాత్తుగా సతీష్పై దాడి చేసి తీవ్రంగా గాయపరిచినట్లు స్థానికులు తెలిపారు. దాడి సమయంలో కుక్క అతని ఎడమ చేయి ఉంగరం వేలును పూర్తిగా కొరికేసి అక్కడి వద్దే వదిలేసింది.
తీవ్ర అస్వస్థతకు గురైన సతీష్ను స్థానికులు వెంటనే సమీప ఆసుపత్రికి తరలించారు. ప్రస్తుతం అతని ఆరోగ్య పరిస్థితిపై వైద్యులు పర్యవేక్షణ కొనసాగిస్తున్నారు.
ఈ ఘటనతో గ్రామస్తులు భయాందోళనకు గురవుతున్నారు. గ్రామంలో సంచరిస్తున్న వీధి కుక్కలపై అధికారులు తక్షణ చర్యలు తీసుకోవాలని ప్రజలు డిమాండ్ చేస్తున్నారు.