కన్నవారిని నిర్లక్ష్యం చేసే ప్రభుత్వ ఉద్యోగులపై కఠిన చర్యలు తీసుకునేందుకు తెలంగాణ ప్రభుత్వం సిద్ధమైంది. వృద్ధాప్యంలో తల్లిదండ్రులను పట్టించుకోని పక్షంలో, సదరు ఉద్యోగి జీతం నుండి 15% లేదా ₹10,000 కట్ చేసి, ఆ మొత్తాన్ని నేరుగా తల్లిదండ్రుల ఖాతాలో జమ చేసేలా కొత్త చట్టాన్ని తీసుకురానుంది. ఇందుకోసం ‘తెలంగాణ ఎంప్లాయీస్ అకౌంటబిలిటీ అండ్ మానిటరింగ్ ఆఫ్ పేరెంటల్ సపోర్ట్’ యాక్ట్‌ను ప్రభుత్వం రూపొందించింది. నేడు జరగబోయే మంత్రివర్గ సమావేశంలో ఈ బిల్లుపై చర్చించి, ఆమోదం తెలిపి, త్వరలోనే అసెంబ్లీలో ప్రవేశపెట్టనున్నారు.