TG పాలిసెట్-2026 కౌన్సెలింగ్ షెడ్యూల్ విడుదల:
టీజీ పోలిసెట్ 2026లో అర్హత సాధించిన విద్యార్థులకు పాలిటెక్నిక్ డిప్లమో కోర్సుల ప్రవేశాల కోసం కౌన్సిలింగ్ షెడ్యూల్ ని అధికారులు విడుదల చేశారు. మొదటి దశ, ఫైనల్ ఫేస్, ఇంటర్నల్ స్లైడింగ్ కు సంబంధించిన పూర్తి తేదీలను ప్రకటించారు. విద్యార్థులు నిర్ణిత గడువుల్లో ఫీజు చెల్లింపు. సర్టిఫికెట్ వెరిఫికేషన్, వెబ్ ఆప్షన్స్ నమోదు వంటి ప్రక్రియలను పూర్తి చేయాలి అని అధికారులు సూచించారు.
మొదటి దశ కౌన్సిలింగ్ షెడ్యూల్:
మొదటి దశలో ఆన్లైన్ ఫీజు చెల్లింపు మరియు స్లాట్ బుకింగ్ ప్రక్రియ మే 27 నుంచి మే 31 2026 వరకు కొనసాగుతుంది. సర్టిఫికెట్ వెరిఫికేషన్ ను మే 29 నుంచి జూన్ 1 వరకు నిర్వహించనున్నారు.
విద్యార్థులు వెబ్ ఆప్షన్స్ ను మే 29 నుంచి జూన్ 3 వరకు నమోదు చేసుకునే అవకాశం ఉంటుంది. ఆప్షన్స్ ఫ్రీజింగ్ జూన్ 3న నిర్వహించబడుతుంది. సీట్ల కేటాయింపు జూన్ 6 లోపు పూర్తి చేయనుండగా ఎంపికైన అభ్యర్థులు జూన్ 6 నుంచి 9 వరకు ఫీజు చెల్లించి సెల్ఫ్ రిపోర్టింగ్ చేయాలి.
అలాగే కాలేజీలలో ప్రత్యేక రిపోర్టింగ్ జూన్ 8 మరియు 9 తేదీల్లో జరగనుంది.
ఫైనల్ ఫేజ్ వివరాలు:
ఫైనల్ ఫేజ్ లో స్లాట్ బుకింగ్ జూన్ 15న నిర్వహించనున్నారు. సర్టిఫికెట్ వెరిఫికేషన్ జూన్ 16న జరుగుతుంది. అదే రోజు నుంచి జూన్ 17 వరకు వెబ్ ఆప్షన్స్ నమోదు చేసుకునే అవకాశం కల్పించారు.
ఫైనల్ ఫేజ్ సీట్ల కేటాయింపు జూన్ 20 లోపు ప్రకటించనుండగా.. ఎంపికైన విద్యార్థులు జూన్ 22 మరియు 23 తేదీల్లో కాలేజీలలో రిపోర్ట్ చేయాల్సి ఉంటుంది.
ఇంటర్నల్ స్లైడింగ్ :
ఇంటర్నల్ స్లైడింగ్ ప్రక్రియను జూన్ 27 నుంచి 28 వరకు నిర్వహించనున్నట్లు అధికారులు తెలిపారు. విద్యార్థులు అధికారిక షెడ్యూల్ ని పరిశీలించి నిర్ణీత తేదీల్లో అవసరమైన ప్రక్రియలను పూర్తి చేయాలి అని సూచించారు.
Read Warangal News and Latest Politics News and Real Estate