తెలంగాణ రాష్ట్ర రవాణా శాఖలో కీలక మార్పులు చోటుచేసుకోనున్నాయి. కేంద్ర ప్రభుత్వం ప్రవేశపెట్టిన ‘వాహన్’ (VAHAN) పోర్టల్లో ఈ నెల 23వ తేదీ నుంచి రాష్ట్ర ప్రభుత్వం చేరనుంది. దీనివల్ల వాహనదారులకు అనేక ప్రయోజనాలు కలగనున్నాయి.
ఇప్పటివరకు ఒక వ్యక్తి రెండో వాహనాన్ని కొనుగోలు చేస్తే 2% అదనపు లైఫ్ ట్యాక్స్ చెల్లించాల్సి ఉండేది, ఇకపై ఆ నిబంధన ఉండదు. దీంతో వాహనదారులకు భారీ ఆర్థిక ఉపశమనం కలగనుంది. అలాగే వాహన రిజిస్ట్రేషన్లు, యజమాని అడ్రస్ మార్పు, పేరు మార్పు, ఆర్సీ డూప్లికేట్, వాహనం తాకట్టు (Hypothecation) వంటి సేవలన్నీ పూర్తిగా ఆన్లైన్లోకి మారనున్నాయి. ఫలితంగా ప్రజలు ఆర్టీఏ కార్యాలయాలకు వెళ్లాల్సిన అవసరం లేకుండానే తమ పనులను పూర్తి చేసుకోవచ్చు.