హనుమకొండ: తెలంగాణ ఉత్తర విద్యుత్ పంపిణీ సంస్థ రెండు ప్రతిష్టాత్మక జాతీయ అవార్డులను కైవసం చేసుకుంది. నక్కలగుట్టలోని సంస్థ ప్రధాన కార్యాలయంలో మంగళవారం జరిగిన కార్యక్రమంలో సిఎండి కర్నాటి వరుణ్‌రెడ్డికి అధికారులు ఈ జాతీయ అవార్డులను అందజేశారు.
సంస్థలో ఆర్టిఫిషియల్ ఇంటెలిజెన్స్, డ్రోన్ టెక్నాలజీ, డేటా అనలిటిక్స్ వినియోగానికి గానూ ‘అడాప్టింగ్ AI ఇన్ ఎనర్జీ’ అవార్డు లభించగా.. మెరుగైన విద్యుత్ సేవలు, ఆపరేషనల్ ఎక్సలెన్స్ విభాగంలో ‘సౌత్ ఇండియా పీఎస్‌యూ అండ్ గవర్నెన్స్ ఎక్సలెన్స్’ అవార్డు దక్కింది.
ఈ సందర్భంగా సీఎండీ వరుణ్‌రెడ్డి మాట్లాడుతూ.. ఈ జాతీయ స్థాయి గుర్తింపు సంస్థ సిబ్బంది అందరి సమష్టి కృషికి నిదర్శనమని కొనియాడారు. సాంకేతిక పరిజ్ఞానాన్ని సద్వినియోగం చేసుకుంటూ వినియోగదారులకు మరింత నాణ్యమైన, వేగవంతమైన సేవలు అందించేందుకు నిరంతరం శ్రమిస్తామని తెలిపారు.
𝗥𝗲𝗮𝗱 𝗪𝗮𝗿𝗮𝗻𝗴𝗮𝗹 𝗡𝗲𝘄𝘀 𝗮𝗻𝗱 𝗟𝗮𝘁𝗲𝘀𝘁 𝗣𝗼𝗹𝗶𝘁𝗶𝗰𝘀 𝗡𝗲𝘄𝘀 𝗮𝗻𝗱 𝗥𝗲𝗮𝗹 𝗘𝘀𝘁𝗮𝘁𝗲