నగర పరిధిలోని ఫాతిమా బ్రిడ్జి, అదాలత్ సెంటర్ ప్రధాన రహదారులపై వాహనదారులకు నరకం చూపుతున్న ప్రమాదకర గుంతలను ట్రాఫిక్ సీఐ వెంకన్న తన సొంత చొరవతో పూడ్చివేయించారు.
గత పది రోజులుగా ఈ రహదారి మార్గంలో భారీ గుంతల కారణంగా మూడు ప్రమాదాలు జరిగి, పలువురు వాహనదారులు స్వల్ప గాయాలపాలయ్యారు. ఈ విషయాన్ని తీవ్రంగా పరిగణించిన సీఐ వెంకన్న, తన సిబ్బందితో కలిసి వెంటనే రంగంలోకి దిగారు. రహదారిపై ఉన్న మూడు భారీ గుంతలను గుర్తుందించి, ఆర్ఎంసీ కాంక్రీట్ మెటీరియల్‌తో అత్యవసరంగా మరమ్మతులు చేయించారు.
రహదారిపై ఏర్పడిన గుంతలను పూడ్చడంతో ప్రమాదకర పరిస్థితులు తొలగిపోవడమే కాకుండా, ట్రాఫిక్ రాకపోకలు సులభతరమయ్యాయి. సమయానుకూలంగా స్పందించి వాహనదారుల భద్రతకు చర్యలు చేపట్టిన సీఐ వెంకన్న మరియు ట్రాఫిక్ సిబ్బందిని స్థానిక ప్రజలు, వాహనదారులు ప్రత్యేకంగా అభినందించారు.
𝗥𝗲𝗮𝗱 𝗪𝗮𝗿𝗮𝗻𝗴𝗮𝗹 𝗡𝗲𝘄𝘀 𝗮𝗻𝗱 𝗟𝗮𝘁𝗲𝘀𝘁 𝗣𝗼𝗹𝗶𝘁𝗶𝗰𝘀 𝗡𝗲𝘄𝘀 𝗮𝗻𝗱 𝗥𝗲𝗮𝗹 𝗘𝘀𝘁𝗮𝘁𝗲