జనగామ జిల్లా | దేవరుప్పుల మండలం

దేవరుప్పుల మండల కేంద్రంలోని లకవత్ తండలో ఉన్న వానకొండయ్య గుట్ట మైనింగ్ పర్మిషన్‌ను వెంటనే రద్దు చేయాలని కోరుతూ మాజీ మంత్రి ఎర్రబెల్లి దయాకర్ రావు గారు బీఆర్ఎస్ నాయకులతో కలిసి జనగామ జిల్లా కలెక్టర్ సందీప్ కుమార్ ఝా గారికి మెమోరాండం అందజేశారు.

ఈ సందర్భంగా ఎర్రబెల్లి దయాకర్ రావు మాట్లాడుతూ…

మైనింగ్ మాఫియాకు అండగా నిలుస్తూ భక్తుల మనోభావాలతో ఆటలాడుతున్న ప్రభుత్వానికి ప్రజలే తగిన బుద్ధి చెబుతారని హెచ్చరించారు.

బీఆర్ఎస్ ప్రభుత్వ హయాంలో రద్దైన మైనింగ్‌కు కాంగ్రెస్ ప్రభుత్వం మళ్లీ అనుమతులు ఇవ్వడం వెనుక ఎవరి ప్రయోజనాలు దాగి ఉన్నాయో ప్రజలకు చెప్పాలని డిమాండ్ చేశారు.

వానకొండయ్య గుట్టపై ఒక్క రాయి కదిలినా బీఆర్ఎస్ ఉద్యమం అగ్నిజ్వాలలా మారుతుందని స్పష్టం చేశారు.

గుట్టను కాపాడుతామని… మైనింగ్‌ను అడ్డుకుంటామని… ప్రజల తరఫున చివరి వరకు పోరాడుతామని తెలిపారు.

బీఆర్ఎస్ హయాంలో అప్పటి సీఎస్ సోమేశ్ కుమార్ గారితో మాట్లాడి మైనింగ్ పర్మిషన్ రద్దు చేయించామని, దేవస్థానం అభివృద్ధికి రూ.2 కోట్లతో పనులు చేపట్టామని గుర్తు చేశారు.

ప్రస్తుతం కాంగ్రెస్ ప్రభుత్వ అసమర్థత వల్ల మళ్లీ మైనింగ్ పనులు ప్రారంభమయ్యాయని మండిపడ్డారు.

గుట్ట వద్ద పనులను అడ్డుకునేందుకు వెళ్లిన బీఆర్ఎస్ నాయకులపై కేసులు నమోదు చేసి, నోటీసులు పంపిస్తూ ఇబ్బందులకు గురిచేస్తున్నారని ఆరోపించారు.

మైనింగ్ పనులు ఆపకపోతే బీఆర్ఎస్ పార్టీ ఆధ్వర్యంలో పెద్ద ఎత్తున ఉద్యమం చేపడతామని హెచ్చరించారు.

పాలకుర్తి, కొడకండ్ల, దేవరుప్పుల మండలాల్లో ధాన్యం కొనుగోళ్లు వేగవంతం చేయాలని ప్రభుత్వాన్ని కోరారు.

మాదాపురం గ్రామ ఎస్సీ కాలనీలో 30 డబుల్ బెడ్ రూం ఇండ్ల మూడో విడత బిల్లులు మంజూరు చేయాలని డిమాండ్ చేశారు.

ఈ కార్యక్రమంలో దేవరుప్పుల మండల బీఆర్ఎస్ నాయకులు మరియు కార్యకర్తలు పాల్గొన్నారు.

FAQ’s

Q1. వానకొండయ్య గుట్ట ఎక్కడ ఉంది?
దేవరుప్పుల మండల కేంద్రంలోని లకవత్ తండ సమీపంలో వానకొండయ్య గుట్ట ఉంది.

Q2. మైనింగ్ పర్మిషన్ రద్దు చేయాలని ఎవరు డిమాండ్ చేశారు?
మాజీ మంత్రి ఎర్రబెల్లి దయాకర్ రావు బీఆర్ఎస్ నాయకులతో కలిసి మైనింగ్ పర్మిషన్ రద్దు చేయాలని డిమాండ్ చేశారు.

Q3. ఎర్రబెల్లి దయాకర్ రావు ఏమన్నారు?
గుట్టపై ఒక్క రాయి కదిలినా బీఆర్ఎస్ ఉద్యమం తీవ్ర స్థాయిలో కొనసాగుతుందని హెచ్చరించారు.

Q4. జనగామ కలెక్టర్‌కు ఏమి అందజేశారు?
మైనింగ్ పర్మిషన్ రద్దు చేయాలని కోరుతూ మెమోరాండం అందజేశారు.

Read Warangal News and Latest Politics News and Real Estate