వరంగల్ సైబర్ పోలీస్ స్టేషన్ డీఎస్పీగా వెంకటరమణ బాధ్యతలు:

వరంగల్ సైబర్ పోలీస్ స్టేషన్ కు నూతన డిఎస్పీగా నియమితులైన ఎం. వెంకటరమణ బుధవారం వరంగల్ పోలీస్ కమిషనర్ సన్ ప్రీత్ సింగ్ ను మర్యాదపూర్వకంగా కలిశారు. ఈ సందర్భంగా ఆయనకు పుష్పగుచ్చం అందజేసి బాధ్యతలు స్వీకరణ పై చర్చించారు.

ఈ సమావేశంలో కమిషనర్ సన్ ప్రీత్ సింగ్ మాట్లాడుతూ.. “సైబర్ నేరాల సంఖ్య రోజురోజుకు పెరిగిపోతున్న నేపథ్యంలో ప్రజల నుంచి వచ్చే ఫిర్యాదులపై అధికారులు వేగంగా స్పందించాలని సూచించారు. బాధితులకు తక్షణమే సహాయం అందేలా చర్యలు తీసుకోవడంతో పాటు కేసుల దర్యాప్తును సమర్ధవంతంగా నిర్వహించాలని ఆదేశించారు. అలాగే ప్రజల్లో సైబర్ భద్రతపై మరింత అవగాహన పెంచాల్సిన అవసరం ఉందని కమిషనర్ పేర్కొన్నారు”.

ఆన్లైన్ మోసాలు, ఫేక్ లింకులు, బ్యాంకింగ్ మోసాలు, సోషల్ మీడియా దుర్వినియోగం వంటి అంశాలపై విస్తృతంగా అవగాహన కార్యక్రమాలు నిర్వహించాలని సూచించారు. ప్రజలు అప్రమత్తంగా ఉంటే సైబర్ నేరాలను ఘననీయంగా తగ్గించవచ్చు అని ఆయన అన్నారు. కాగా, ఇంతకుముందు వరంగల్ సైబర్ క్రైమ్ డీఎస్పీగా పనిచేసిన కె. గిరికుమార్‌ను మహబూబ్‌నగర్ సైబర్ క్రైమ్ డీఎస్పీగా బదిలీ చేసిన విషయం తెలిసిందే. ఆయన స్థానంలో బాధ్యతలు చేపట్టిన వెంకటరమణ సైబర్ నేరాల నియంత్రణ, ఫిర్యాదుల పరిష్కారంలో సమర్థవంతంగా పనిచేస్తారని పోలీసు వర్గాలు ఆశాభావం వ్యక్తం చేస్తున్నాయి.