హన్మకొండ: నగరంలోని కోర్టుకు బాంబు బెదిరింపు కాల్ రావడంతో అప్రమత్తమైన పోలీసులు భారీ భద్రతా ఏర్పాట్లు చేశారు. సమాచారం అందుకున్న వెంటనే బాంబ్ స్క్వాడ్, డాగ్ స్క్వాడ్ సిబ్బంది సంఘటనా స్థలానికి చేరుకుని తనిఖీలు నిర్వహిస్తున్నారు.
కోర్టు ప్రాంగణాన్ని పూర్తిగా ఖాళీ చేయించి, ప్రతి గదిని క్షుణ్ణంగా పరిశీలిస్తున్నారు. ఎటువంటి అనుమానాస్పద వస్తువులు ఉన్నాయా అనే దానిపై అధికారులు దృష్టి సారించారు.
ఈ ఘటనతో కోర్టు పరిసర ప్రాంతాల్లో ఉద్రిక్త వాతావరణం నెలకొంది. బెదిరింపు కాల్ ఎక్కడి నుంచి వచ్చింది? దాని వెనుక ఉన్న వ్యక్తులు ఎవరు? అనే కోణంలో పోలీసులు దర్యాప్తు చేపట్టారు.