వరంగల్ ప్రభుత్వ పాలిటెక్నిక్ కళాశాలలో ప్లాటినం జూబ్లీ (75 ఏళ్లు) వేడుకలు అత్యంత వైభవంగా ప్రారంభమయ్యాయి. ఈ సందర్భంగా కళాశాల ప్రాంగణంలో పూర్వ విద్యార్థుల సమ్మేళనాన్ని కూడా నిర్వహించారు.
TGNPDCL CMD కర్నాటి వరుణ్ రెడ్డి ముఖ్య అతిథిగా హాజరై, జ్యోతి ప్రజ్వలన చేసి కార్యక్రమాన్ని అధికారికంగా ప్రారంభించారు. ఈ కార్యక్రమంలో హనుమకొండ కలెక్టర్ చాహత్ బాజ్పాయ్, కళాశాల ప్రిన్సిపల్ డాక్టర్ బైరి ప్రభాకర్ మరియు పెద్ద సంఖ్యలో పూర్వ విద్యార్థులు పాల్గొన్నారు. దశాబ్దాల క్రితం ఇక్కడ చదువుకున్న విద్యార్థులు మళ్లీ ఒకచోట చేరి తమ పాత జ్ఞాపకాలను నెమరువేసుకున్నారు.