మామునూరు విమానాశ్రయం సివిల్ పనులు వచ్చే వారం నుండి ప్రారంభం కానున్నాయి. ఎయిర్‌పోర్టు అధికారులు వరంగల్ కలెక్టర్ సత్యశారదతో సమావేశమై పనుల పురోగతిపై చర్చించారు. రెవెన్యూ అధికారులు అప్పగించిన 252 ఎకరాల చుట్టూ ముందుగా ‘ట్రెంచింగ్’ పనులు చేపట్టాలని నిర్ణయించారు. రైతులు అప్పగించిన భూముల చుట్టూ ట్రెంచింగ్ పూర్తి చేసిన తర్వాత, ప్రహరీ గోడ (Boundary wall) నిర్మాణం చేపడతారు. ఆపై మిగిలిన అభివృద్ధి పనులు కొనసాగుతాయని అధికారులు తెలిపారు.