వరంగల్ ఎంజీఎం (MGM) ఆసుపత్రిలో రోగుల నుండి అక్రమంగా వసూళ్లకు పాల్పడుతున్న ఘటన వెలుగులోకి వచ్చింది. ఉత్తరప్రదేశ్‌కు చెందిన ప్రజాపతి అనే రోగి సిటీ స్కాన్ చేయించుకోవడానికి కేఎంసీ సూపర్ స్పెషాలిటీ ఆసుపత్రికి వెళ్లగా, అక్కడ పనిచేస్తున్న ఒక టెక్నీషియన్ ‘కాంట్రాస్ట్ ఇంజెక్షన్’ కోసం రూ. 3,000 డిమాండ్ చేశాడు. ఆసుపత్రిలో ఇంజెక్షన్ అందుబాటులో ఉన్నప్పటికీ, లేదని అబద్ధం చెప్పి డబ్బులు అడగడంపై బాధితులు ఆగ్రహం వ్యక్తం చేస్తున్నారు. ఈ విషయంపై జిల్లా కలెక్టర్‌కు ఫిర్యాదు అందడంతో విచారణ మొదలైంది.