వరంగల్ శివారు వంగపహాడ్ సమీపంలోని ములుగు రోడ్డుపై ఘోర రోడ్డు ప్రమాదం జరిగింది. రోడ్డు పక్కన ఆగి ఉన్న లారీని వెనుక నుండి వచ్చిన మరో లారీ బలంగా ఢీకొట్టింది. ఈ ప్రమాదంలో వెనుక లారీ డ్రైవర్, నల్గొండ జిల్లా కురుమట్లకు చెందిన మహేష్, క్యాబిన్‌లోనే చిక్కుకుపోయి తీవ్రంగా గాయపడ్డారు.

సమాచారం అందుకున్న కేయూ పోలీసులు, అగ్నిమాపక సిబ్బంది మరియు 108 బృందం ఘటనా స్థలానికి చేరుకుని అతికష్టం మీద క్యాబిన్ నుండి మహేష్‌ను బయటకు తీశారు. అనంతరం బాధితుడికి ప్రాథమిక చికిత్స అందించి, మెరుగైన వైద్యం కోసం ఎంజీఎం ఆస్పత్రికి తరలించారు.