రంజాన్ పర్వదినాన్ని పురస్కరించుకొని వరంగల్ పోలీస్ కమిషనర్ సన్ప్రీత్ సింగ్ శనివారం హన్మకొండలోని బొక్కల గడ్డ, పోతన నగర్ ఈద్గాలను సందర్శించారు. రంజాన్ ప్రార్థనలు ప్రశాంతంగా, సజావుగా జరిగేలా పోలీస్ శాఖ చేపట్టిన భద్రతా ఏర్పాట్లను ఆయన సమీక్షించారు.
ఈ సందర్భంగా స్థానిక ఏఎస్పీ శుభం, ఏసీపీ నర్సింహా రావు తదితర పోలీస్ అధికారులతో కలిసి కమిషనర్ క్షేత్రస్థాయిలో ఏర్పాట్లను పరిశీలించారు. భక్తులు ఎటువంటి ఇబ్బందులు లేకుండా ప్రార్థనలు నిర్వహించుకునేలా అవసరమైన అన్ని చర్యలు తీసుకోవాలని అధికారులకు సూచించారు.