వరంగల్ పోలీస్ విభాగంలో కీలక మార్పులు..8మంది ఇన్‌స్పెక్టర్ల బదిలీ..:

వరంగల్ పోలీస్ కమిషనరేట్ పరిధిలో విధుల నిర్వహణను మరింత సమర్థవంతంగా మార్చే లక్ష్యంతో ఎనిమిది మంది ఇన్‌స్పెక్టర్లకు బదిలీలు మరియు కొత్త బాధ్యతలు అప్పగిస్తూ పోలీస్ కమిషనర్ ఉత్తర్వులు జారీ చేశారు. ప్రస్తుతం వీఆర్ (వేటింగ్ రిజర్వ్)లో విధులు నిర్వహిస్తున్న అధికారులను వివిధ విభాగాల్లో నియమిస్తూ ఈ ఆదేశాలు వెలువడ్డాయి.

ఉత్తర్వుల ప్రకారం ఇన్‌స్పెక్టర్ కె. ప్రవీణ్ కుమార్‌ను ట్రాఫిక్ విభాగానికి నియమించారు. సుబ్బారెడ్డికి టాస్క్ ఫోర్స్‌లో బాధ్యతలు అప్పగించగా, దేవేందర్‌ను కూడా టాస్క్ ఫోర్స్ విభాగంలో నియమించారు. అదేవిధంగా దామోదర్ రెడ్డికి ప్రత్యేక విభాగంలో పోస్టింగ్ ఇవ్వగా, చేరాలు ట్రాఫిక్ ట్రైనింగ్ సెంటర్‌లో విధులు నిర్వహించనున్నారు. ఓ. రమేష్‌కు మరో కీలక విభాగంలో బాధ్యతలు అప్పగించగా, ఆర్. ప్రవీణ్ కుమార్‌కు ప్రత్యేక విభాగంతో పాటు కమాండ్ అండ్ కంట్రోల్ సెంటర్‌కు అదనపు బాధ్యతలు కేటాయించారు. మిగతా అధికారులకు కూడా శాఖ అవసరాలకు అనుగుణంగా పోస్టింగ్‌లు ఇచ్చినట్లు సమాచారం.

ఈ బదిలీల ద్వారా వివిధ విభాగాల మధ్య సమన్వయం మరింత మెరుగుపడటంతో పాటు ప్రజలకు అందించే పోలీస్ సేవలు వేగవంతం అవుతాయని అధికారులు భావిస్తున్నారు.

Read Warangal News and Latest Politics News and Real Estate