వరంగల్ పోలీస్ కమిషనరేట్ పరిధిలో పలువురు సబ్ ఇన్స్పెక్టర్లను (SI) బదిలీ చేస్తూ కమిషనర్ సన్ప్రీత్ సింగ్ బుధవారం ఉత్తర్వులు జారీ చేశారు. పరిపాలనా కారణాల దృష్ట్యా మొత్తం 9 మంది అధికారులకు కొత్త స్థానాలను కేటాయించారు.
బదిలీ అయిన వారి వివరాలు :
• వరంగల్ సీసీఎస్లో పనిచేస్తున్న సాయి ప్రసన్న కుమార్ నల్లబెల్లి పోలీస్ స్టేషన్ ఎస్హెచ్ఓ (SHO) గా బదిలీ అయ్యారు.
• నల్లబెల్లి ఎస్హెచ్ఓగా ఉన్న వి.గోవర్ధన్ వరంగల్ వీఆర్ (VR) కు రిపోర్ట్ చేయాలని ఆదేశించారు.
• మడికొండ పోలీస్ స్టేషన్లో పనిచేస్తున్న జి.రామ్ మోహన్ ఖానాపురం ఎస్హెచ్ఓగా నియమితులయ్యారు.
• ఖానాపురం ఎస్హెచ్ఓగా ఉన్న చ.రఘుపతిని వీఆర్కు బదిలీ చేశారు.
• ధర్మసాగర్ పోలీస్ స్టేషన్లో ఉన్న ఇ.నరసింహారావును ఎల్కతుర్తి ఎస్హెచ్ఓగా బదిలీ చేశారు.
• ఎల్కతుర్తి ఎస్హెచ్ఓగా ఉంటూ సీఏఆర్ హెడ్క్వార్టర్స్కు అటాచ్ అయిన ఎ.ప్రవీణ్ కుమార్ వీఆర్కు బదిలీ అయ్యారు.
• వీఆర్లో ఉన్న ఎ.శ్రీకాంత్ బచ్చన్నపేట ఎస్హెచ్ఓగా నియమితులయ్యారు.
• బచ్చన్నపేట ఎస్హెచ్ఓగా ఉంటూ సీఏఆర్ హెడ్క్వార్టర్స్కు అటాచ్ అయిన ఎస్.కె. హమీద్ వీఆర్కు బదిలీ అయ్యారు.
• వీఆర్లో ఉంటూ భరోసా సెంటర్కు అటాచ్ అయిన బి.మంగను కాజీపేట ట్రాఫిక్ పోలీస్ స్టేషన్కు బదిలీ చేస్తూ ఉత్తర్వులు జారీ అయ్యాయి.
ఈ బదిలీలు తక్షణమే అమలులోకి వస్తాయని కమిషనర్ తన ఉత్తర్వుల్లో పేర్కొన్నారు.