వరంగల్: చారిత్రక భద్రకాళి దేవాలయంలో ఘనంగా నిర్వహించనున్న దేవీ శరన్నవరాత్రుల మహోత్సవాలకు హాజరుకావాల్సిందిగా జిల్లా కలెక్టర్ చాహత్ బాజ్పాయ్‌కి ఆలయ అధికారులు ఆహ్వానం పలికారు.
ఈ మేరకు ఆలయ ఈవో సునీత, ప్రధాన అర్చకులు భద్రకాళి శేషు కలెక్టరేట్‌లో కలెక్టర్‌ను మర్యాదపూర్వకంగా కలిసి ఉత్సవాల ఆహ్వాన పత్రికను అందజేశారు.
ఈ సందర్భంగా ఆలయ నిర్వాహకులు మాట్లాడుతూ, ఈ నెల 11వ తేదీ నుంచి 21వ తేదీ వరకు శరన్నవరాత్రి ఉత్సవాలు వైభవంగా నిర్వహించనున్నట్లు తెలిపారు. ఉత్సవాల రోజుల్లో అమ్మవారికి ప్రత్యేక పూజలు, నిత్య అభిషేకాలు, హోమాలు, కల్యాణోత్సవం, పురవీధుల్లో ఊరేగింపు తదితర ధార్మిక కార్యక్రమాలు శాస్త్రోక్తంగా నిర్వహిస్తామని కలెక్టర్‌కు వివరించారు.