ప్రతి ఒక్కరికీ నాణ్యమైన విద్యను అందించేందుకే యంగ్ ఇండియా ఇంటిగ్రేటెడ్ స్కూల్స్ ఏర్పాటు చేస్తున్నాం
కాంగ్రెస్ ప్రజా ప్రభుత్వం విద్య, వైద్యం కు అధిక ప్రాధాన్యత ఇస్తుంది
పరకాల పట్టణ కేంద్రంలోని రాజుపేట యందుయంగ్ ఇండియా రెసిడెన్షియల్ స్కూల్ కు భూమి పూజ చేసిన పరకాల ఎమ్మెల్యే శ్రీ రేవూరి ప్రకాశ్ రెడ్డి గారు
మంగళవారం పరకాల పట్టణ కేంద్రంలోని రాజపేట యందు యంగ్ ఇండియా ఇంటిగ్రేటెడ్ స్కూల్ నిర్మాణానికి పరకాల శాసనసభ్యులు శ్రీ రేవూరి ప్రకాశ్ రెడ్డి గారు భూమి పూజ చేశారు.
ఈ సందర్భంగా ఎమ్మెల్యే గారు మాట్లాడుతూ…
పేద విద్యార్థులకు నాణ్యమైన విద్యను అందించేందుకు యంగ్ ఇండియా ఇంటిగ్రేటెడ్ రెసిడెన్షియల్ పాఠశాలల ఏర్పాటుకు కాంగ్రెస్ ప్రజా ప్రభుత్వం నిర్ణయం తీసుకున్నట్లు తెలిపారు.
ఈ పాఠశాలల్లో ఎస్సీ,ఎస్టీ, బీసీ మైనారిటీ పిల్లలందరూ కులమతాలకు అతీతంగా చదువుకోవచ్చని తెలిపారు.
ముఖ్యమంత్రి రేవంత్ రెడ్డి గారు విద్య, వైద్యానికి అధిక ప్రాధాన్యత ఇస్తున్నారని తెలిపారు.
పాఠశాలల్లో చదువుతోపాటు, అన్ని వసతులు ఉంటాయని, ప్లే గ్రౌండ్స్ ఏర్పాటు చేస్తున్నామని, క్రీడల వల్ల మానసికంగా విద్యార్థులు ఎదుగుతారని చెప్పారు.
యంగ్ ఇండియా రెసిడెన్షియల్ స్కూల్ భవిష్యత్ తరాలకు దిశానిర్దేశం చేసే కేంద్రంగా నిలుస్తుందన్నారు.
పరకాల పట్టణాన్ని మోడల్ మున్సిపాలిటీగా అభివృద్ధి చేస్తున్నామని, మున్సిపాలిటీ పరిధిలో రోడ్లు, త్రాగునీరు, డ్రైనేజీ వ్యవస్థతో అభివృద్ధి చేస్తున్నామని అన్నారు.