డీఈ శ్రీకాంత్ ఏసీబీ దాడి ఘటన హనుమకొండ జిల్లాలో చర్చనీయాంశంగా మారింది. పాలకుర్తి ఇరిగేషన్ విభాగంలో డిప్యూటీ ఇంజనీర్‌గా పనిచేస్తున్న శ్రీకాంత్ అధికారిక పనుల కోసం ఓ వ్యక్తి నుంచి రూ.50 వేల లంచం తీసుకుంటూ ఏసీబీ అధికారులకు చిక్కారు.

భవాని నగర్ లో ఏసీబీ ఆకస్మిక తనిఖీలు:

సోమవారం హనుమకొండలోని భవాని నగర్ ప్రాంతంలో ఉన్న శ్రీకాంత్ నివాసంలో ఏసీబీ అధికారులు ఆకస్మికంగా తనిఖీలు నిర్వహించారు. ముందస్తు సమాచారం ఆధారంగా చేపట్టిన ఈ ఆపరేషన్ లో డిఈ లంచం తీసుకుంటున్న సమయంలోనే అధికారులు రంగంలోకి దిగి పట్టుకున్నారు. ఘటనా స్థలంలోనే నగదును స్వాధీనం చేసుకొని పలు ఆధారాలను సేకరించారు.

అధికారిక పనుల కోసం డిమాండ్ :

సంబంధిత వ్యక్తి పనులను పూర్తి చేయడానికి డిఈ శ్రీకాంత్ డబ్బులు డిమాండ్ చేసినట్లు సమాచారం. బాధితుడు ఏసీబీ అధికారులను ఆశ్రయించడంతో వారు ప్రత్యేక ప్రణాళిక రూపొందించి ఈ దాడి నిర్వహించినట్లు తెలిసింది. అధికారులు నిందితుడిని అదుపులోకి తీసుకొని ప్రశ్నిస్తున్నారు.

కేసు నమోదు విచారణ కొనసాగింపు :

ఈ ఘటనపై ఏసీబీ అధికారులు కేసు నమోదు చేసి దర్యాప్తు ప్రారంభించారు. లంచం వ్యవహారానికి సంబంధించి మరిన్ని వివరాలను సేకరిస్తున్నారు. ప్రభుత్వ శాఖలలో అవినీతిని సహించబోమని.. ప్రజలు ధైర్యంగా ఫిర్యాదులు చేయాలి అని అధికారులు సూచరించారు.

ఈ కేసులో మరిన్ని విషయాలు వెలుగులోకి వచ్చే అవకాశముందని అధికారులు చెబుతున్నారు.

Read Warangal News and Latest Politics News and Real Estate