కష్టాల్లో ఉన్న కుటుంబాలకు అండగా ఎంపీ కడియం కావ్య.. ‘నేనున్నాను’ అంటూ భరోసా :

ప్రజల కష్టసుఖాల్లో తోడుగా నిలవడమే నిజమైన ప్రజాసేవ అని మరోసారి చాటిచెప్పారు వరంగల్ పార్లమెంట్ సభ్యురాలు డాక్టర్ కడియం కావ్య. సమస్యల్లో ఉన్న కుటుంబాలకు అండగా నిలుస్తూ, వారికి అవసరమైన సహాయాన్ని అందించేందుకు స్వయంగా ముందుకు వస్తున్నారు. ప్రజల బాధలను తెలుసుకోవడమే కాకుండా, వాటి పరిష్కారం కోసం చొరవ తీసుకుంటూ మానవతా దృక్పథంతో సేవలందిస్తున్న నాయకురాలిగా ఆమె గుర్తింపు పొందుతున్నారు. కష్టకాలంలో “మీకు నేను ఉన్నాను” అనే భరోసాను అందిస్తూ ఎన్నో కుటుంబాలకు ధైర్యం నింపుతున్నారు.

వరంగల్ పార్లమెంట్ సభ్యురాలు డాక్టర్ కడియం కావ్య ప్రజల సమస్యలను సానుభూతితో స్వీకరిస్తూ అవసరమైన వారికి అండగా నిలుస్తున్నారు. ప్రజా ప్రతినిధిగా తన బాధ్యతలను నిర్వర్తించడమే కాకుండా కష్టాల్లో ఉన్న కుటుంబాలకు భరోసానిస్తూ మానవత్వాన్ని చాటుతున్నారు.కాళోజి కళాక్షేత్రం ప్రారంభోత్సవ కార్యక్రమం కోసం ముఖ్యమంత్రి రేవంత్ రెడ్డి హనుమకొండకు వచ్చిన సందర్భంగా ఒక హృదయ విదారక ఘటన చోటుచేసుకుంది. తన తండ్రి భుజాలపై కూర్చొని, “నేను క్యాన్సర్‌తో బాధపడుతున్నాను… దయచేసి నన్ను ఆదుకోండి” అని రాసిన ఫ్లకార్డును ప్రదర్శిస్తున్న ఆరేళ్ల చిన్నారి వరంగల్ ఎంపీ డాక్టర్ కడియం కావ్య దృష్టిని ఆకర్షించాడు. వెంటనే స్పందించిన ఆమె ఆ బాలుడి కుటుంబ సభ్యులను పిలిపించి, వారి పరిస్థితిని స్వయంగా తెలుసుకుని సమస్య వివరాలను అడిగి తెలుసుకున్నారు.

చిన్నారి వైద్య చికిత్స కోసం కుటుంబం ఎదుర్కొంటున్న ఆర్థిక ఇబ్బందులను తెలుసుకున్న ఎంపీ వెంటనే స్పందించారు. వైద్యులతో మాట్లాడి అవసరమైన చికిత్స అందేలా చర్యలు చేపట్టడంతో పాటు ఎల్ఓసి ద్వారా ఆర్థిక సహాయం అందించేందుకు కృషి చేశారు. గత రెండు సంవత్సరాలుగా ఆ చిన్నారి చికిత్సకు అవసరమైన సహకారం అందిస్తూ కుటుంబానికి అండగా నిలిచారు. అదేవిధంగా సొంత ఇల్లు లేక అద్దె ఇంట్లో నివసిస్తున్న ఆ కుటుంబానికి గృహ సౌకర్యం కల్పించేందుకు ప్రత్యేక చొరవ తీసుకున్నారు. స్థానిక ప్రజా ప్రతినిధులతో సమన్వయం చేసుకొని ఇందిరమ్మ గృహ పథకం కింద డబుల్ బెడ్ రూమ్ ఇల్లు మంజూరు అయ్యేలా కృషి చేశారు.

ఇదే కార్యక్రమంలో మరో నిరుపేద కుటుంబానికి కూడా వరంగల్ ఎంపీ డాక్టర్ కడియం కావ్య ఆశాకిరణంగా నిలిచారు. వృద్దురాలు మరియు ఆమె వికలాంగ కుమారుడు నివాస సమస్యలతో ఇబ్బందులు పడుతున్న విషయం తెలుసుకున్న డాక్టర్ కడియం కావ్య వారి పరిస్థితిని పరిశీలించి అవసరమైన సహాయం అందించారు. ఇందిరమ్మ గృహ పథకం కింద వారికి కూడా ఇల్లు మంజూరు అయ్యేలా చర్యలు తీసుకొని లబ్ధిదారులకు పట్టాలు అందజేశారు.

వైద్యం, గృహం, విద్య, ఉపాధి వంటి అంశాల్లో అవసరమైన వారికి సహకారం అందిస్తూ డాక్టర్ కడియం కావ్య ప్రజలకు మరింత చేరువవుతున్నారు. ప్రజల సమస్యలను తమ కుటుంబ సమస్యలుగా భావించి స్పందించే నాయకత్వానికి ఆమె నిలువెత్తు నిదర్శనంగా నిలుస్తున్నారు. అభివృద్ధితోపాటు మానవీయ విలువలకు ప్రాధాన్యం ఇస్తూ ప్రజాసేవకు కొత్త అర్ధాన్ని అందిస్తున్నారని స్థానికుల అభిప్రాయపడుతున్నారు.

Read Warangal News and Latest Politics News and Real Estate