హైదరాబాద్: మైనారిటీ విద్యార్థులకు విదేశీ విద్యావకాశం తెలంగాణ CMOSS 2026.
ముఖ్యమంత్రి విదేశీ విద్యా స్కాలర్షిప్ పథకం – స్ప్రింగ్ 2026 సెషన్కు దరఖాస్తుల ప్రక్రియ ప్రారంభం
తెలంగాణ రాష్ట్ర ప్రభుత్వం మైనారిటీ వర్గాల విద్యార్థుల ఉన్నత విద్యకు ప్రోత్సాహం అందించేందుకు Chief Minister’s Overseas Scholarship Scheme (CMOSS) – Spring 2026 సీజన్కు దరఖాస్తులను ఆహ్వానిస్తోంది.
ముఖ్యమైన అర్హతలు:
- దరఖాస్తుదారుల కుటుంబ వార్షిక ఆదాయం రూ.5 లక్షలకు మించకూడదు
- డిగ్రీ/గ్రాడ్యుయేషన్లో కనీసం 60% మార్కులు సాధించి ఉండాలి
- GRE/GMATతో పాటు IELTS/TOEFL వంటి ప్రామాణిక పరీక్షల్లో నిర్దేశిత స్కోర్ తప్పనిసరి
- ఒక కుటుంబం నుండి ఒక్క విద్యార్థి మాత్రమే ఈ పథకానికి అర్హులు
వర్తించే దేశాలు & కోర్సులు:
అమెరికా, యూకే, కెనడా, ఆస్ట్రేలియా, జర్మనీ, ఫ్రాన్స్, జపాన్, న్యూజిలాండ్, సింగపూర్, దక్షిణ కొరియా తదితర దేశాల్లోని గుర్తింపు పొందిన యూనివర్సిటీలలో పీజీ లేదా పీహెచ్డీ కోర్సులకు అడ్మిషన్ పొందిన విద్యార్థులు దరఖాస్తు చేసుకోవచ్చు.
అందించే ప్రయోజనాలు:
ఎంపికైన అభ్యర్థులకు గరిష్టంగా రూ.20 లక్షల వరకు ఆర్థిక సహాయం లభిస్తుంది. దీంతో పాటు ఒకసారి వన్-వే ఎకానమీ క్లాస్ విమాన టికెట్ మరియు వీసా ఫీజును కూడా ప్రభుత్వమే భరిస్తుంది.
దరఖాస్తు వివరాలు:
అర్హులైన విద్యార్థులు తెలంగాణ ఈ-పాస్ అధికారిక వెబ్సైట్ https://telanganaepass.cgg.gov.in ద్వారా ఆన్లైన్లో దరఖాస్తు చేసుకోవాలి.
- దరఖాస్తు ప్రారంభ తేదీ: 01 జూన్ 2026
- చివరి తేదీ: 30 జూన్ 2026
అర్హత ఉన్న మైనారిటీ విద్యార్థులు ఈ అవకాశాన్ని సద్వినియోగం చేసుకోవాలని అధికారులు సూచించారు.