హైదరాబాద్: తెలంగాణలోని సంక్షేమ గురుకుల పాఠశాలల్లో 2026–27 విద్యా సంవత్సరానికి సంబంధించిన ప్రవేశ పరీక్ష ఫలితాలను అధికారులు విడుదల చేశారు. ఐదో తరగతి సహా 6, 7, 8, 9వ తరగతుల రెగ్యులర్ మరియు బ్యాక్లాగ్ సీట్లకు సంబంధించిన ఫలితాలు ఇప్పుడు ఆన్లైన్లో అందుబాటులో ఉన్నాయి.
విద్యార్థులు తమ హాల్టికెట్ నంబర్ లేదా మొబైల్ నంబర్, పుట్టిన తేదీ, అలాగే స్క్రీన్పై కనిపించే వెరిఫికేషన్ కోడ్ నమోదు చేసి ఫలితాలను సులభంగా తెలుసుకోవచ్చు.
ఫలితాలు చెక్ చేసే వెబ్సైట్లు:
https://treirb.telangana.gov.in
రాష్ట్రవ్యాప్తంగా ఎస్సీ, ఎస్టీ, బీసీ, సాధారణ గురుకులాల్లో ప్రవేశాల కోసం గత ఏడాది డిసెంబర్ 11 నుంచి జనవరి 25 వరకు దరఖాస్తులు స్వీకరించారు. అనంతరం ఫిబ్రవరి 22న తెలంగాణ గురుకుల కామన్ ఎంట్రన్స్ టెస్ట్ (TGCET–2026) నిర్వహించారు. ఇప్పుడు ఆ పరీక్ష ఫలితాలను అధికారిక వెబ్సైట్లలో విడుదల చేశారు.
📌 గమనిక: ఎంపికైన విద్యార్థులు తదుపరి దశలైన సర్టిఫికేట్ వెరిఫికేషన్, అడ్మిషన్ ప్రక్రియలపై అధికారిక ప్రకటనలను తరచూ పరిశీలించాలని సూచించారు.