టాలీవుడ్ చరిత్రలో సరికొత్త అధ్యాయం..తొలి రోజే ఆల్టైమ్ రికార్డు :
మెగా పవర్ స్టార్ రామ్ చరణ్ ప్రధాన పాత్రలో తెరకెక్కిన “పెద్ది” సినిమా విడుదలైన తొలిరోజే బాక్సాఫీస్ వద్ద సంచలన విజయాన్ని నమోదు చేసింది. భారీ అంచనాలను మధ్య ప్రేక్షకుల ముందుకు వచ్చిన ఈ చిత్రం మొదటి రోజు వసూళ్లతో టాలీవుడ్ లో కొత్త రికార్డును సృష్టిస్తూ ఇండస్ట్రీలో హాట్ టాపిక్ గా మారింది. ఇటీవల విడుదలైన “గేమ్ చేంజెర్” ఆశించిన స్థాయిలో విజయాన్ని అందుకోకపోయినా “పెద్ది”తో రామ్ చరణ్ ఘనంగా కంబ్యాక్ ఇచ్చారని సినీ విశ్లేషకులు అభిప్రాయపడుతున్నారు. సినిమా విడుదలకు ముందే ట్రైలర్, పాటలు, ప్రమోషనల్ కంటెంట్ ప్రేక్షకుల్లో భారీ ఆసక్తిని రేకెత్తించగా విడుదలైన తర్వాత ఆ అంచనాలను మించి స్పందన లభించింది.
చిత్ర నిర్మాణ సంస్థ ప్రకటించిన వివరాల ప్రకారం పెద్ది తొలిరోజే ప్రపంచవ్యాప్తంగా 135.36 కోట్ల గ్రాస్ వసూలు సాధించింది. ఈ కలెక్షన్లతో 2026 సంవత్సరంలో టాలీవుడ్ నుంచి వచ్చిన చిత్రాలలో అత్యధిక ఓపెనింగ్ నమోదు చేసిన సినిమాగా “పెద్ది” నిలిచింది. అంతేకాకుండా తొలి రోజు వసూళ్లపరంగా పలు రికార్డులను బద్దలు కొడుతూ కొత్త బెంచ్ మార్కును సెట్ చేసింది.
ప్రేక్షకుల నుంచి వస్తున్న పాజిటివ్ టాక్, కుటుంబ ప్రేక్షకుల ఆదరణ, అభిమానుల ఉత్సాహం నేపథ్యంలో రెండో రోజు కూడా సినిమా బుకింగ్స్ బలంగా కొనసాగుతున్నాయి. ముఖ్యంగా తెలుగు రాష్ట్రాలతో పాటు ఓవర్సీస్ మార్కెట్లో కూడా ఈ చిత్రానికి విశేష స్పందన లభిస్తున్నట్లు ట్రేడ్ వర్గాలు చెబుతున్నాయి.
గ్రామీణ నేపథ్యంలో రూపొందిన ఈ చిత్రంలో రాంచరణ్ నటనకు ప్రేక్షకుల నుంచి ప్రశంసలు వెల్లువెత్తుతున్నాయి. భావోద్వేగాలు యాక్షన్ సంగీతం కలగలిపిన ఈ సినిమా అన్ని వర్గాల ప్రేక్షకులను ఆకట్టుకుంటుంది. ప్రముఖ సంగీత దర్శకుడు ఏ ఆర్ రెహమాన్ అందించిన సంగీతం చిత్రానికి మరో ప్రధాన ఆకర్షణగా నిలిచింది. వృద్ధి సినిమాస్ నిర్మించిన ఈ చిత్రం రాబోయే రోజుల్లో మరిన్ని రికార్డులు సృష్టించే అవకాశాలు కనిపిస్తున్నాయి.
Read Warangal News and Latest Politics News and Real Estate